[Picture of

The Canon of John Lydgate Project

The Lives of Ss. Edmund and Fremund: Text

MS Harley 2278 fol. 9v
[The initial letter of each stanza is lightly decorated.]

O richest rube / rubefied with blood
In thi passion / be ful meek suffrance
Bounde to a tre / lowly whan thow stood
Of arwes sharp / suffryng ful gret penaunce
Stable as a wal of herte in thi constaunce
Directe my stile / which haue vndirtake
In thi worshepe / thi legende forto make

O amatist with peynes purpureat
Emeraud trewe / of chastite most cleene
Which nat withstandyng / thi kyngli hih estat
ffor Cristis feith / suffredist peynes keene
Wherfore of mercy / my dulnesse to susteene
Into my brest / sende a confortatiff
Of sum fair language / tenbelisshe with thi liff

Send dou[n] of grace / thi licour aureat
Which enlumynyth / these rethoriciens
To write of martirs / ther passiou[n]s laureat
And causith also / these fressh musiciens
ffals lust auoided / of epicuriens
Of glorious seyntes / the tryumphes forto synge
That suffred peyne for Crist in ther leuynge
[arrow: up] Back to first page of manuscript

[arrow: down] Skip to last page of manuscript

[arrow: left] Back to preceding page

[arrow: right] Forward to next page

[arrow: double] Skip to a page of your choice

[Back to Lydgate Page]
The Canon of John Lydgate Project

Editorial matter © 1995 Stephen R. Reimer
English; University of Alberta; Edmonton, Canada
All rights reserved.
Last revised: 21 Nov. 1995

email: Stephen.Reimer@UAlberta.Ca
URL: https://sites.ualberta.ca/~sreimer/lydgate.htm/