[Picture of

The Canon of John Lydgate Project

The Lives of Ss. Edmund and Fremund: Text

MS Harley 2278 fol. 2v
¶ The feeld off Gowlys / was tokne off his suffrance
Whan cruel Danys / were with hym at werre
And for a signe / off Royal suffisance
That no vices / neuer maad hym erre
The feeld powdryd / with many heuenly sterre
And halff Cressantis / off gold / ful bryht and cleer
And wher that euere / he iourneyde / nyh or ferre
Ay in the feeld / with hym was this baneer

¶ Which be influence / off our lord Jh[es]u
As it hath be preued / offte in deede
This hooly standard / hath power and vertu
To stanche fyres / and stoppe flawmys rede
By myracle / and who that kan take heede
God grantyd it hym / for a prerogatyff
Be cause / al heete / off lust and flesshlyheede
Were queynt in hym / duryng al his lyff

¶ This vertuous baner / shal kepen and conserue
This lond from enmyes / dau[n]te ther cruel pryde
Off syxte Herry / the noblesse to preserue
It shal be born / in werrys / be his syde
Tencresse his vertues / Edmu[n]d shal been his guyde
By processe / tenhau[n]ce his Royal lyne
This martir shal / by grace for hym prouyde
To be registred / among the worthy nyne
[arrow: up] Back to first page of manuscript

[arrow: down] Skip to last page of manuscript

[arrow: left] Back to preceding page

[arrow: right] Forward to next page

[arrow: double] Skip to a page of your choice

[Back to Lydgate Page]
The Canon of John Lydgate Project

Editorial matter © 1995 Stephen R. Reimer
English; University of Alberta; Edmonton, Canada
All rights reserved.
Last revised: 9 Nov. 1995

email: Stephen.Reimer@UAlberta.Ca
URL: https://sites.ualberta.ca/~sreimer/lydgate.htm/